SKULEFRUKOST PÅ HJELLE SKULE.

Torsdag 13. november vart det ein festdag for elevane på Hjelle skule.

Då kom vi sanitetsdamene med skulelunsj til elevar og tilsette ved skulen.

Dette gjer vi kvart år, og i 2014 var det Hjelle sin tur.

Eit bugnande lunsjbord vart dekka i foajeen. Der var det berre heimebaka, grove rundstykke/brød. Pålegget var sunt og nærimgsrikt. Ikkje noko søtt pålegg her!  Frukt og grønsaker var det også rikeleg av. Elevane forsynte seg og gjekk tilbake til klasserommet og åt.

Dei hadde ei svært fin framferd og skrytte av maten vår og takka pent. At dei likte maten, var det heller ikkje nokon tvil om, for vi fylte stadig på fata.  Det er ganske mykje arbeid med desse skulelunsjane, men det er eit kjekt arbeid, og vi er mange som stiller opp.  Vi har fått ganske god erfaring etter kvart, så arbeidet går greitt. Og så har vi det kjekt i lag!

Rektor, Dag  Inge Dæmring, takka for alt vi gjorde for elevane og ynskte oss velkomne tilbake.

Og vi sanitetsdamene tok oss ein velfortent pust i bakken på heimkunnskapsrommet, drakk kaffi og planla neste stunt som alt blei på fyrstkomande måndag.